Dagur 2

Vöknuðum hress og kát kl. 07, mæting í skólann klukkan 08:10 til að kynna kennurunum verkefnið og plana daginn, jú að sjálfsögðu vorum við fullbókuð, í fyrsta tímanum vorum við af einhverjum misskilningi tvíbókuð. Óli og Arnar kenndu 9. Bekk og Íris kenndi   10. og 11. bekk af mikilli snilld, eftir tímann eru þar allavega tveir upprennandi stórmeistarar!
Krakkarnir eru mjög áhugasamir og vildu endilega fá lánuð skáksett til að æfa sig í frímínútum.  Planið er að halda mót eftir helgi og vorum við dugleg að auglýsa það. Opið verður í skólanum frá 10 – 18 mánudag og þriðjudag. Og ætla krakkarnir að mæta á skákhátíð í páskafríinu, áætlað er að halda stórmót í nafni  væntanlega nýstofnaðs skákfélags í Ittoqqortoormiit klukkan 15 á þriðjudag fyrir alla bæjarbúa jafnt unga sem aldna.

Ittoqqortoormiit er með eindæmum fallegur bær, snjór yfir öllu, sól, stillt veður og um 17 stiga frost.

Komum með fleiri fréttir fljótlega

Íris, Óli og Arnar

Athugasemdir

[Guðmundur Rúnar (IP-tala skráð) 30.3.2007 kl. 07:25]

Það er þá 30 gráðu munur á hitastiginu, því hér í Hafnarfirði er meira en 10 gráðu hiti. E.t.v. gróðurhúsaáhrif.

[Bergþór (IP-tala skráð) 30.3.2007 kl. 21:32]

Baráttukveðjur úr karlaathvarfinu!

Bergþór og Gísli.