Tim

 

Við sjáum að enn er fólk að kíkja hér inn þó virkni síðunnar sé ekki til mikillar fyrirmyndar.

Grænlenska útvarpið setti þó klausu á vefinn sinn og sýnir þar mynd frá honum Tim Vollmer. Þar má glöggt sjá að skákin spyr ekki um aldur, allir með og tóm skemmtun:

http://knr.gl/da/news/skakmat-til-illoqqortoormiut

Já, við eigum von á því að Morgunblaðið verði með grein um ferðalagið, sem og myndir eftir hann Tim sem er auðvitað alveg í heimsklassa. En hún Hrund, blaðamaðurinn okkar sem á eftir að koma með skemmtilega vinkla í Mannlíf og Nýtt líf á næstunni, er sérdeilis lunkinn ljósmyndari og tók þessa mergjuðu mynd af honum Tim þar sem hann er að skella myndum í tölvuna sína við öðruvísi aðstæður en oft áður!

Hamingjusamur afmælisdrengur

 Hann Jeremias Madsen var býsna kátur með þriðja sætið og páskaeggið frá Bónus í páskamótinu sem haldið var mánudaginn fyrir páska. Jeremias hefur teflt á öllum mótum Hróksins í Scoresbysundi síðan fyrsta ferðin var 2007.

 Þessi piltur sem átti tólf ára afmæli á þriðjudeginum fékk afmælissönginn á íslensku og grænlensku í afmælisgjöf. Og fullan Eymundsson poka af dóti.

Jamm, það er ekki leiðinlegt að fá stórmót í afmælisgjöf, pakka og söng. Hamingja i Ittoqqortoormiit.