16 ára stúlka sigraði á stórmóti Pennans-Eymundsson og Ísspors

 Enn einn dásamlegur dagur á Grænlandi. Við heimsóttum grunnskólann í morgun og fórum yfir undirstöðuatriði skáklistarinnar -- en þess gerðist varla þörf, því eftir fimm ára starf á 70. breiddargráðu eru öll börnin í ísbjarnarbænum með jafnvel hin fínustu blæbrigði skáklistarinnar á hreinu.

Seinnipartinn var svo efnt til sannkallaðs stórmóts, með tilstyrk Pennans-Eymundsson og Ísspors. 50 börn á grunnskólaaldri tefldu og leikgleðin var allsráðandi. Hin 16 ára gamla Sikkerninnguaq Lorentzen stóð uppi sem sigurvegari með 6 vinninga af 7, en öll börnin voru sigurvegarar og öll fengu þau glaðning frá bakhjörlum okkar.

Í eldri flokki sigraði svo unga glæsimennið Paulus Napatoq, sem varð tvítugur á dögunum. Hann er blindur en lærði skák í fyrstu heimsókn okkar hingað og hefur síðan sýnt ótrúleg tilþrif á skákborðinu.

Veðrið leikur við okkur hér í norðrinu: Hér eru sólin og lífsgleðin í aðalhlutverkum.

 Skákhátíðin mikla heldur áfram á morgun!

 Myndaveisla dagsins.

Athugasemdir

[Róbert Lagerman (IP-tala skráð) 4.4.2012 kl. 09:01]

Hann er alveg magnaður hann Paulus, algjör fyrirmynd, flott viðtal í síðdegisútvarpinu sl. mánudag Hrafn, www.godurgranni.blog.is er fyrsta síðan sem ég les á morgnanna með sterkum kaffi, og að rúlla yfir myndirnar er eins og að fara á listasýningu, þið eruð langflottastir, skáktrúboðar Hróksins, kær kveðja og GENS UNA SUMUS, DON ROBERTO.