Glimrandi móttökur!

Já, það má með sanni segja að móttökurnar hafi verið ótrúlegar hér í norðrinu! krakkarnir hafa ekki getað beðið eftir að við kæmum að kenna þeim. "hvenær komiði í sjötta bekk, hvenær komiði í sjötta bekk?" Kona ein á förnum vegi réðist á okkur og sagði okkur hafa blásið börnunum gríðarlegan innblástur í brjóst, og þó nokkuð af fullorðna fólkinu hefur verið að spyrja hvort að það sé í lagi að þau fái að læra með börnunum. Við fréttum af því að örvænting hefði gripið um sig meðal framþjáðra, yfir því að menn væru jú í vinnunni þegar allur hasarinn væri! Við brugðumst að sjálfsögðu við af okkar alkunnu snilld og vorum fljót að skipuleggja kvöldkúrsa fyrir fullorðna. ALLIR SJÚKIR Í SKÁK Í SKORESBYSUNDI!!!

ÓK

Athugasemdir

[Guðmundur Rúnar Árnason (IP-tala skráð) 2.4.2007 kl. 21:48]

Hvað er að vera framþjáður?

[okolbeinn (IP-tala skráð) 2.4.2007 kl. 23:57]

framþjáðir menn í þúsund löndum, sem þekkja skortsins glímutök... osfv. verkalýðsleiðtoginn ætti nú að þekkja kenningu hins vinnandi manns! 

[okolbeinn (IP-tala skráð) 3.4.2007 kl. 17:29]

ekki fram, thjadir! framthjadir!

[Guðmundur Rúnar Árnason (IP-tala skráð) 3.4.2007 kl. 21:36]

Þú segir nokkuð. Ég hélt að það væri verið að hvetja þjáða menn til að sækja fram - semsagt: Fram þjáðir ... og svo framvegis.! Ég verð trúlega að fletta þessu upp.

Ég hélt að framþjáður maður væri sá sem ætti við einhverja slæmsku að etja framan á sér - væri t.d. illt í framsettum maga, eða eitthvað þaðanaf verra.  Væri semsagt þjáður framan á sér.