Skákhátíð Hróksins og félaga á Grænlandi hafin!

Skákhátíð Hróksins og félaga á Grænlandi hefst þriðjudaginn 14. ágúst og stendur í viku. Hátíðir verða í þremur þorpum á austurströnd Grænlands og hápunkturinn verður V. Alþjóðlega Grænlandsmótið, Flugfélagsmótið 2007,  sem haldið verður í Tasiilaq helgina 18. og 19. ágúst.

Meðal leiðangursmanna er hinn frækna skáksveit Salaskóla í Kópavogi, sem í sumar varð heimsmeistari grunnskóla. Þá mun vaskur hópur Kátra biskupa úr Hafnarfirði sjá um skákhátíð í Kuummiit og liðsmenn Skákíþróttafélags stúdenta við Háskólann í Reykjavík slá upp skákhátíð fyrir börnin í Kulusuk.

Á Flugfélagsmótinu 2007 verður keppt um Grænlandsbikarinn, en fyrri sigurvegarar eru meistararnir Luke McShane (2003), Jóhann Hjartarson (2004), Róbert Harðarson (2005) og Henrik Danielsen (2006).

Þetta er fimmta árið í röð sem liðsmenn Hróksins standa fyrir alþjóðlegu skákmóti á Grænlandi. Fyrsta skákmótið í sögu Grænlands var haldið í Qaqortoq sumarið 2003 og við sama tækifæri beittu liðsmenn Hróksins sér fyrir stofnun Skáksambands Grænlands.

Skáklandnámið á Grænlandi hefur gengið framúrskarandi vel. Síðustu fjögur árin hafa Hróksmenn einbeitt sér að starfi á Austur-Grænlandi; meðal næstu nágranna Íslendinga í heiminum. Þar er félagslegt ástand einna verst á Grænlandi og því brýnt að fjölga gleðistundum hjá unga fólkinu.

Hrókurinn stendur að hátíðinni nú í samvinnu við Kalak, vinafélag Íslands og Grænlands, Skákíþróttafélag stúdenta við Háskólann í Reykjavík, Káta biskupa frá Hafnarfirði o.fl. Helstu bakhjarlar eru Flugfélag Íslands, Glitnir, Kópavogsbær, Orkuveitan, Toyota, Íslenskt grænmeti, Bananar o.fl.

Athugasemdir

[,,Við erum ein fjölskylda", 14.8.2007 kl. 23:11]

héðan er allt gott að frétta. langur dagur hjá ungum heimsmeisturum í kulusuk í gær en allir sprækir og mikið ævintýri. hér í tasiilaq höfum við verið að tefla seinnpartinn í skákhöllinni okkar, eða félagsheimili staðarins.veðrið er það gott að mest höfum við verið fyrir utan hús. í fyrramálið mun Jóhanna Björg tefla fjöltefli við grunnskólanema í skólanum í frímínútum og verðum við þar fyrir hádegi. seinnipartinn verðum við í félagsheimilinu og plönuð eru mót fimmtudag og föstudag, toyota mótið og glitnis mótið. um helgina verða allir í íþróttahöllinni þar sem stóra mótið fer fram.

gengur vel hjá háskólanemum í kulusuk og kátir biskupar eru mættir í kuummiit.

set með auglýsingu sem hangir uppi í öllum verslunum og þar til gerðum stöðum hér í tasiilaq. bestu kveðjur, Arnar Valgeirsson

 

 skakuge i tasiilaq

15. – 19. August 2007

Vores islandske skakvenner er igen på besøg i byen med 5 unge spillere som er verdensmester i skoleskak for 14-årige og stormester Henrik Danielsen. Alle er velkommen til frit skakspil og skakundervisning i forsamlingshuset hele ugen. Torsdag er der TOYOTA-turnering til alle.

Fredag er der GLITNIR-turnering til børn og unge.

Der bliver stor Greenland Open Skak Turnering i hallen i weekenden

med pokaler og medaljer til vinderne og mange præmier til de bedste.

Tirsdag Skak i Forsamlingshuset kl. 16 – 21

Onsdag Skak i Forsamlingshuset kl. 16 – 21

Torsdag Skak i Forsamlingshuset kl. 15 – 21 Toyota-skakturnering til børn og unge kl. 16 – 18 med mange præmier!

Fredag Skak i forsamlingshuset kl. 16 – 21
GLITNIR-skakturnering kl. 17.

Alle kan være med! Mange flotte præmier!

Lørdag & Søndag kl. 14 i HALLEN:

Greenland Open

FLUGFELAG ISLANDS Skak-Turnering

Alle kan være med til turnering. Der er pokaler og

medaljer til vinderne og præmier til de bedste

deltagere.

 

[Hrannar Baldursson, 15.8.2007 kl. 14:21]

Ég sendi mínar bestu kveðjur, sérstaklega til Salaskólabarnanna. Góða skemmtun!